Cèilidh na Bliadhn’ Ùire!

Tha cathraiche Cnoc Soilleir, Ailig O’Henley air fàilte a chur air an naidheachd gu bidh Cèilidh na Bliadhn’ Ùire aig BBC Alba a’ tighinn bho Cnoc Soilleir am bliadhna: “Tha a h-uile duine aig Cnoc Soilleir air ar dòigh galn leis an naidheachd gum bidh Cèilidh na Bliadhn’ Ùire a’ tighinn bho Dalabrog an Uibhist a Deas am bliadhna. Abair deagh naidheachd! Tha seo air a bhith na amas bho chrìochnaich sinn an dàrna pàirt dhen togalach agus tha mi cho toilichte gu bheil Alba agus an saoghal a’ dol a dh’fhaicinn na goireasan mìorbhuileach againn, an luchd-ciùil thàlanta againn bho air feadh Uibhist agus gum bidh hò-ro gheallaidh air leth aig a’ choimhearsnachd againn a’ toirt gu ceann bliadhna shònraichte airson Cnoc Soilleir agus na com-pàirtichean againn, Ceòlas agus UHI NWH. Mo thaing mhòr do MG Alba agus BBC Alba a tha air a bhith cho dealasach is deònach an tachartas sònraichte seo a thoirt a dh’Uibhist agus tha fadachd mhòr oirnn a-nis ri hò-ro gheallaidh air Oidhche Chullaig.”

Hogmany Live!

Cnoc Soilleir chairman, Alex O’Henley has welcomed the news that this year’s Cèilidh na Bliadhn’ Ùire/Hogmanay Live on BBC Alba will be broadcast from Cnoc Soilleir: “Everyone at Cnoc Soilleir is delighted with the news that this year’s Cèilidh na Bliadhn’ Ùire/Hogmanay Live will come from Daliburgh, South Uist. Since the completion of the second phase of the building this has been a key target and I am thrilled that the biggest party in Scotland this Hogmanay will be coming from Cnoc Soilleir showcasing our amazing facilities and talented local musicians to a Scottish and world wide audience. What a fantastic way to round off a momentous year for Cnoc Soilleir and our partners, Ceòlas Uibhist and UHI NWH. I would like to take this opportunity to thank MG Alba and BBC Alba for embracing our ambition so enthusiastically and look forward to a real hòro-gheallaidh at Cnoc Soilleir on Hogmanay.”